منوعات

بين التوهة والرجوع بقلم عبدالحميد الشاعر

بين التوهة والرجوع
بقلم عبدالحميد الشاعر
بين التوهة والرجوع
قصة ضياع
والقلب صبح فيها مشغول
عن اللي كان
تسبيح وذكر للرحمن في خشوع إنت بتضيع
والصلاة بقت عندك ف السريع
سلمت قلبك للي يشتري ويبيع
وفي اللعب واللهو زى الرضيع
لما يكون في ايده لعبة وتضيع
لبست توب مش توبي
وقلت أنا بيه
كترت علي ذنوبي
والعمر ضاع مش لقيه
بقيت أبص شمال ويمين
وأفتكر نفسي قيمة
وانا مسويش جنيه
عامل فيها متيم ولهان
والبيه عريان
دا الدنيا بتجرى بينا بكره نبقي
جاي تفكر ف الغرام
بعد ماخلص الكلام
ياعم فكر ف السؤال
يوم ماتبقى ف الرمال
شفلك حاجة تغيرك
بدل الحسرة والهوال
يللا اقرالك كام آية وكام عبارة
يفيدو عمرك قبل متلبس نظارة
العمر بيجرى ياخسارة
وانت بتفكر ف كام كلمة للغدارة
هي لو دامت لغيرك موصلتلك يابيه
إرجع بسرعة للعمر ده تندم عليه

مقالات ذات صلة

اترك تعليقاً

زر الذهاب إلى الأعلى