ردا على إهانة الإعلامي تامر أمين لأهل الصعيد
ردا على إهانة الإعلامي تامر أمين لأهل الصعيد
بقلم رمضان محمد محمود
فينك انت يا تامر امين
من اهل الصعيد أهل الشهامة
الوقار والأدب مغروس في كل
راجل لابس جلبيه وعمامه
الطفل بيتولد راجل من يومه
والكل فرحان ويهنئ بقدومه
مهما ان كان حتى نوعه
ما خلاص الريف بقى فاهم
تقاليده ودينه وشروعه
اول ما يترك الطفل سدر أمه
بنحسبه خلاص بقى راجل
لو بدلته من اهل البندر
منرضاش .. ميكفناش
قصاده ألف راجل
جي تقول ان الاطفال بتصرف علينا
آهو دا اللي كان فاضل
لو شفت البندر اللي انت عايش فيه
هتلاقي كل صعيدي بعرقه بانيه
وقوته وهيبته هو اللي كمان حاميه
الصعيدي في كل مكان ثابت وجوده
يا ريت كل واحد يتكلم يعرف حدوده
وتعال عرفني جهودك وشوف جهوده
طبيب تلاقي ..مهندس تلاقي
معلم تلاقي … مستشار تلاقي
دا احنا لو عملنا وحده لوحدينا
كلكم هتيجوا تتحايلو علينا
وقبل كده زمان عشان تتقووا بينا
راح بسرعه وحدنا جدنا مينا
اللي طالع من الأقصر من الصعيد الجواني
اللي انت بتعايب عليه
كفاية ان الصعيد أتشرف بأمنا مارية
اللي اتجوز منها حبيبنا محمد
وعبد الناصر اللي بنى السد
وطه حسين عميد الأدب
عمرك شفت طفل بندر في التاريخ
عندنا عبد الستار الفقاعي
اللي شرف بني سويف
قلب الصعيد الجواني
اللي دوخ الإنجليز
وعارف هترد وتقول دا انا جاهل بالاسامي
وكتير وكتير دا الصعيد مدرسة
طب وأدب وعلم وكمان هندسه
كل واحد قبل ما يتكلم يعرف حدوده
الصعيد واهله يعرفوا للكرم أصوله
يا صعيد فيك تلت آثار العالم
يعني من زمن اصل الحضارة
وكل العالم بيزور وبيشهد
أن ليك في كده أمارة
كل واحد يلزم حدوده ف كلامه
دا الصعيدي دايما سيد أيامه
وراجل وثابت وجوده في كل مكانه
ردا على إهانة الإعلامي تامر أمين لأهل الصعيد
بقلمي
رمضان محمد محمود
