أحلى أيام عمري .. بقلم خضر عباد الجوعاني
أحلى أيام عمري
بقلم خضر عباد الجوعاني
احلى ايام عمري……
وانا بطن امي وأجهل
لاعندي هم……
عيشه ولا عني عزيز رحل
ولاتعب بلا فايده…
وحياتي بغربه مثل ورده تذبل
ولاسهم يجيني…..
من اخوي بس أغفل
ولا معسرات…..
تحصد سنين عمري بمنجل
ولا شفت بطن امي
جروح فوك جروح ومشندل
نطيت روحي …..
وكل عضاي للغالي مايقبل
صرت جلد وعظم…..
طبيبي لعلتي يجهل
ماشفت راحه……
ملاوه وي زماني يريدني اتوسل
صدري من ظيم الليالي انطر
غدر وخيانه وجفون بالدمع تبتل
جروح فوك جروح…
سهران ليلي وذكرهم عني مايرحل
حشمت ماخليت…
أيست ماظلي وياهم حل
يسألني وهو يدري…
جروح سهامه تنزف بالحشا قيح ودم
قلبي لهبة نار……
هموم واهات عندي مشتل
تيهت طريجي ……
بدنياي ماعاد اعرف ولااندل
ضيعت عمري ….
وي هذا وذاك أدور حل
احزاني جمله انطيك
تعبني المفرد والفل
اذن……
اجمل ايام عمري
وانا بطن امي لساني يالتسأل
أحلى أيام عمري
قلمي…….
الشاعر والأديب
خضر عباد الجوعاني
العراق
