كل يوم فرصة جديدة

كل يوم فرصة جديدة

د/عبير منطاش

مفيش يوم شبه يوم كل فجر جديد هو إعلان عن أمل جديد ، وحياة جديدة؛ طالما عايش وبتتنفس يبقى
عندك فرصة جديدة ممكن تغير حياتك.

الموت واحد والحياة متجددة٠
أنت صحيت من نومك يعني أنت حي مموتش.. غيرك نام ومصحيش؛ يعني كل يوم حياة جديدة وفرصة تانية ليك تعيش وتحقق اللي فاتك٠

عيش يومك وخطط ليه صح علشان تعرف تخطط
لأسبوع، ولشهر، ولسنة قدام٠

لوفشلت تخطط ليومك ازاي هتخطط لحياتك!!!
معظم الناس عايشة تفكر في الماضي واحزانه
وبعضهم عايش في خوفه من المستقبل٠

هتعيش يومك أمتي هتستمتع بحياتك ازاي!!!
وأنت طول الوقت مشغول بحاجات مالكش يد فيها
حزين على ماضي مفيش في إيدك تغييره٠

أوخايف من مستقبل مش في إيدك أنت.. ده في إيد
ربنا سبحانه وتعالى٠

انشغل بيومك لأن هو ده اللي أنت تملكه واحمد ربك إنك صحيت من نومك وعندك فرصة تانية تغير وتسعي وتستمتع بنعم ربنا٠

وعطاياه غيرك مصحيش ومعندوش فرصة تانية
كلنا عندنا هموم وأحزان ؛ احنا بشر عيش حزنك
وقلقك وخوفك بس ادي كل حاجه حجمها الحقيقي٠

متخليش نفسك سجين الماضي ..ولا تعيش في رعب
وخوف من اللي جاي.. خلي عندك حسن ظن بالله
هو ده أساس الحياة لأن حياتك كلها بيد الله٠

فعَنْ أَبِي هُرَيْرَةَ رَضِيَ اللَّهُ عَنْهُ، قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ: يَقُولُ اللَّهُ تَعَالَى:” أَنَا عِنْدَ ظَنِّ عَبْدِي بِي”