خواطر وأشعار
اسجل اعتراض على بعض الرجال
كتبت زينب عبد اللطيف
اسجل اعتراض علي البشر
اللي في الشكل صوره انسان
لكن الطبع مش بشر
هنا فلان مفتول العضلات
لكنه من جوه هش
عايش من جيب
بدله رفص
وهناك اسطى فلان
بطل صرف على بيت وعيال
ومراته من شيل الهم
جالها الضغط
اصل فلان نزل على حاجه البيت
بيع علشان الكيف
تعمل ايه ام العيال
تمسح سلم تمسك فوطه
دا فى عماره او اشاره
وايام سوده
والعيال مفيش تعليم
ضاع الصحه وضاع الوقت
ومفيش اسره ومفيش ستر
ضاع الاسطى فى شمه كيف
ضاعت الام في هرس
الفقر
ام العيال تشوفهم هناك
وسط قمامه
تلم الكانز
