خواطر وأشعار
باللهجة العامية بيكفي حزن بيكفي أنين
باللهجة العامية بيكفي حزن بيكفي أنين
بقلم علي بدر سليمان
والله عيونك هالحلوين
عم يبكو كتير زيادي
وانا من بدء التكوين
حبك بقلبي عبادي
بيكفي حزن بيكفي أنين
بيكفي ألم وسوادي
دموعك نزلو عالخدين
وعليهن مالي جلادي
بيكفي دوبتي ملايين
وحرقتي قلوب السادي
نواحك وصل حدود الصين
وكأنو مخاض ولادي
قلبك أسير ورهين
وحزنك حرقلي عوادي
نطرتك أيام وسنين
وايامك متل العادي
انا ولهان مسكين
وانت دموعك وقادي
مين جرحك قولي مين
تشن حرب إبادي
عليه منبقى منتصرين
ومنحرق قلبو رمادي
ونعيش بعلم ويقين
غدنا فرح وسعادي
