مركز الاعصم لذوي صعوبات التعلم
اعداد دكتورة حنان عبد الكريم
هناك أمور كثيرة تغاضت عنها الآباء تبعا للظروف الاقتصادية والاجتماعية والثقافية التى تجتاح البلاد وهى أن الدنيا غلا والولد او البنت ياخد مصروف ليه انا مش مكفى مصاريف البيت وهنا قتل الأب ابنه دون أن يدرى ما فعله تسببت في صعوبات حسابية وبعدين ترجع تقول الواد ساقط فى الحساب مبيعرفش يشترى حاجة مبيعرفش يجمع ويطرح وهو هيتعلم منين وانت اساسا معرفتوش شكل الخمسة جنيه من العشرة جنيه الا وانت بندر أمه المصروف بتاع البيت وبتيجى تحاسبها حساب الملكين وتفضل تدور وراها ونتأكد أن كانت سائلة فلوس من وراك ولا لاء. تسببت في عدم ثقة بالنفس وعدم قدرة على اتخاذ القرار وعدم تنظيم ذاتى وترتيب أولويات حرام عليكم الطفل اللى انتم انجبتوه دة من حقه عليكم يفهم منكم مش من غيركم يعنى ايه تخطيط وترتيب أولويات يعنى ايه مسؤولية يعنى أيه ميزانية يعنى ايه شخصية ويعنى ايه ادخار ويعنى ايه تحقيق هدف كل دة من خلال مصروفه اللى اتحرم منه بحجة الظروف ولا بحجة خائبة هو محتاجه فى ايه ولا بحجة انا مش قادر على مصاريف البيت لما هديله مصروفه كمان
لا تلوموني ولوموا أنفسكم لعلكم تنهضون من الغفلة وعدم الوعى بأهمية مصروف الطفل فى تكوين شخصيته وإدارته الذاتية وتخطيطه لمستقبله وتحقيقه لاهدافه حتى ولو كانت بسيطة
أعطوه حقه فى الحياة والتربية والدنيا ،علموه كيف يدير موارده المتاحة لديه ،علموه كيف يحدد الأهم فالمهم فالاقل اهميه ،علموه ان يدخر جزء بسيط من مصروف بسيط ،علموه كيف يكون غنى بذاته عن ذاته وينظم ويدير مهاراته وأخلاقه. لا تبخلوا عليهم بأقل القليل
ابدأ من سن السادسة واعطوه المصروف واجلس مع طفل وعلمه كيف يدير مصروفه بالاسبوع أو بالشهر او باليوم
اعداد دكتورة حنان عبد الكريم
مركز الاعصم لذوي صعوبات التعلم
