خواطر وأشعار
باللهجة العامية اشتقنالك ياحب
بقلم علي بدر سليمان
ياحب كتير اشتقنالك
عاود هالقلب نادالك
لمن زارك نجم سهيل
تذكر شو قال ووصالك
ساهر مع نجوم الليل
عم تقضي الليل لحالك
عم تصرخ عضهر الخيل
خبرني شو شاغل بالك
خايف ماتغرق بالسيل
وماأعرف كيف بدي طالك
عم أنده من ميل لميل
ياحب اشتقنا لوصالك
دقنا عغيابك الويل
وصبرنا تيهل هلالك
افرد جناحاتك بالليل
عاود وكيد عزالك
خايف أنك صعب النيل
وعلينا رميت نصالك
