خواطر وأشعار
خدلك جمب
* خدلك جمب *
*****************
ولا أنت مطول شويه
و إحنا فينا اللي مكفينا
مش ناقصه كمان ازيه
بتفاجئنا و دايما ف بالك
و تصدمنا يااااما كتيير
و رافض تهجر منا مكانك
و تقولنا برضو ده خير
بذمتك متعرفشي غيرنا
عمال بجد تكووووينا
هو أنت ليه تملي فاكرنا
و كأنك أقرب صاحب لينا
خدلك جمب علي الماشي
و أرحم جوانا من الآهاات
و إمشي واعمل إنك ناسي
إن شاءلله لو تغيب سعات
إرحل بغيمة القسوة ديه
و كفايه علينا اللي راح
و بناقص منها دي حنيه
اللي توبها مليان جراح
نفسي اقولك فرصة سعيدة
كنت أرخم ضيف جانا
ياااريتك تبعد و متقربشي
و لا تجيء هنا حدانا
سيبنا نعيش و نكون براحتنا
يمكن الفرحة تزور ليالينا
و ندوق الضحكه ف ابتسامتنا
و الكون يسمع صدي غناوينا
بقلم
عماااد الأبنودي
3 / 5 / 2021
