أخييييييراََ يا عم الصاروخ

——— أخييييييراََ يا عم الصاروخ

أخيرا نزلت يا عم الصاروخ
بعد ما لفِّيت البسيطة
والله دا انت طلعت داهيه
كنت سايق علينا العبيطة
دا مكنش ناقص رعب
انتقم م الصين يا رب
يا ريت الدول كلها
تقولك خلاص لمَّها
البعيدة عنك خالص
وكمان البلاد المحيطة
بس الإعلام أكل
من وراك عيش
والكل تابع وشاف
وكان بيجري ويخاف
واللي ملهش ف النت
زي عمك عليش
وف الاخر طلعت فيلم
حمضان … كداب
والخطر خلاص زال
وطلع المذيع قال
خلاص خلاص مفيش
والكل كان بيقول
الصاروخ هينزل عندي
وطلع كلامه ف الاخر
لا يجيب ولا يوَدِّي
وربك ستر ع الكل
ونزلت ف الهندي
والحمد لله خلاص
أزمة زي غيرها
بتيجي وبتعدِّي

بقلمي
رمضان محمد محمود