خواطر وأشعار
ياشمس يامنوره
—ياشمس يامنوره
—كلمات الشاعر احمد جابر سويلم
ياشمس يامنوره
ياام السبايك دهب
قلبى اللى حبه الهوى
ملهوش دوا غيرك
عاشئك على ارضى
ومليش فى الضى دا غيرك
دفى تراب ارضى
انا من سمار لونى
لونى سمار ارضى
بعشق كمان نيل
ظمان بيروينى
بروى كمان ارضى
وطيرى بيغنى
على ضفاف ارضى
والنحل على زهرى
هيمان وبيغنى
وقت الغروب بلاقيكى
لونك دهب خالص
محلى اللقى فيكى
يجى القمر ونجومه
يطول معاه السهر
والحب يجمعنا
بعد حصاد يومى
ونقول ياليل طول
وابدا من الاول
وعيونا سهرانه
والفرح جوانا
وقلوبنا عمرانه
فى الذكر هيمانه
يحلى الصفا بينا
والنور مغطينا
يارب فرحنا
ولا يوم يجرحنا
عايشين فى مطرحنا
حامدين وشاكرينه
بقلوبنا عارفينه
فى صلاتنا شكرينه
بقلوبنا حبينه
وحبيبه جوانا
يارب تجمعنا
وبحبه تاوينا
دانوره يكفينا
يلى قرات شعرى
صلى على الغالى
نوره هنا فى قلبى
احساسى بيه عالى
صلى على الغالى
صلى على الغالى
صلى على الغالى
