خواطر وأشعار

عشرة سنين”

قصيدة ” عشرة سنين”

بقلم / دينا النجار

 

حكايتي معاكي مش قصه أحكيها

حكايتي معاكي عشرة سنين

أنا بنت بلدي أنا بنت الناس الطيبين

أنا بسمة بتترسم على وشوش الشقيانين

أنا طير صغير لسه بتعلم أطير

أنا زرع أخضر في أرض عطشانه حنين

عشت سنين في أحضانك بترويني بحنانك

حالك يا بلدي بيتغير كل يوم

مرت سنين و إحنا في حقك مقصرين

كنت بحاول أفوق من الوهم اللي كنت فيه

وعد مني يا بلدي أصون العهد اللي بينا و ابدأ من جديد

ساعد غيرك لو وقع وقت المحن خليك صبور

خليك سند و ظهر و أمان

الناس عاشت زمان شاركوا المشاعر و الأحزان

علامة في أخر الطريق بتقول إن اللي جاي مش مرصوف

بتقول كمان اللي كاتبها كان كاتبها بخوف

كل اللي عدي بعدها مرجعش يحكي

إنتبه بعد العلامه مفيش قانون معروف

الرحلة ليه في البداية

و الطريق محتاج صديق

أو تكتفي إنك خلال الرحلة وحيد

و كأن يعني الدنيا عادي مفيش خطر

الطيف بيظهر من بعيد

الطيف ده ذي ما يكون طيف إشارة أو إمارة

هو نفس العلامة هو نفس الخوف

لقيت نفسي في حقك ظالم مش مظلوم

يا رب يا للي خلقت الكون

و كأنة شئ عادي

محتاج إشارة تطمني على بلادي

محتاج بشارة تفرحني بأولادي

دبر لي أمري عشان تدبيري أنا محدود

و برغم الضباب و الهموم التقيلة

برغم السنين اللي ضاعت

بشوف بكرة طالع بيداوي اللي فات

بشوف الأمل بيتولد من جديد

مقالات ذات صلة

اترك تعليقاً

زر الذهاب إلى الأعلى