( مرارة الحياه )
( مرارة الحياه )
بقلمي الشاعر/ محمد غبن
شاعر آل غبن وسفيرا للسلام الدولي
16/9/2021
كنت عايشه معاك
بعمري وشاربه مرارة الحياه
قولت اصبر شويه جايز يجي
يوم فيه مخرج أوسبيل للنجاه
كنت بقول لنفسي
مسيرها تتعدل و تبقي عال
كل يوم اصعب من اللي قبله
جو العيشه صبح محال
ومرت الايام بينا تجري اجمل
مافي الحياه راح الأمان
وأنت مفيش مصمم ع البعاد
ضاعت سنين صبري هدر
وجيت بغشمك استحليت العناد
طيب ليه وانا
اللي إتحملت مرارة زمن
وقلبي من وقتها عايش عذاب
في لحظه واحده ضيعت بإيدبك
عمري انتظار لما قلبي دبل وداب
وكإن سنين الشوق وصبرها
راحوا معاك توهه وضباب
قولي أنت إنسان بجد ولا
قلبي اللي يستاهل عنادك وغدرك
ولا أنا معرفتش اختار يوم
ما الزمن قالي دا عشقك وحبك
وبرغم كل المآسي قولت
اكيد هتتعدل وبكره جي لغاية عندك
يرسم علي حياتنا الأمل ويخلي
نفوسنا تقول ضحكت لينا الدنيا
عشنا فيها ودوقنا المرار وقولنا
مش مهم ومش هنيأس ف ثانيه
لكن الظاهر طبعك كان غالب عليك
والمكر كان مدفون جوا عينيك
و جيت في لحظه طردتني من
حياتك روح الله يجازيك
تدوق مرار الوجع ألوان
و اللي من جوايا بيدعي عليك
