خواطر وأشعار
الكل فى انتظار——–كلمات الشاعر احمد جابر سويلم
–الكل فى انتظار——–كلمات الشاعر احمد جابر سويلم
رغم اختلافنا فى الانتظار
صعب فينا حتى القرار
الحياه قطر ماشى فيها القطار
والمحطه موقف الانتظار
رغم ان الكاس مرار
رغم ان الحق ثار
لكن الكل لسه فى انتظار
الى عاشق
واللى ماشى
واللى بجرى
واللى خايف من الف تار
واللى مستنى النهايه
واللى ماشى فى البدايه
واللى ماعندوش درايه
واللى واقف وتايه
واللى شايل المصايب
واللى بزرع واللى بصنع
واللى ببنى
واللى بنقش على الحجر
لو سئلت
الاجابه هتلاقيها
فى النهايه انتظار
فيه محطه والكل واقف
رغم ان الكل عارف
النهايه للكل واحده
والحياه بينا دايره
فرح ممكن تلاقى
والهموم لسه منها باقى
والنهايه للكل واحده
للماشى واللى راكب
واللى نايم واللى صاحى
والمعاد احنا له فى انتظار
والحقيقه مش بادنا القرار
