ردي
بقلم حجاج فراج
جات علي قلبي خبطت
حسيت مشاعري أتظبطت
قولتلها كلمة أتلخبطت
وسابتني وانا حيران
روحتي فين ردي عليا
ده أنتي قلبي ونور عنيا
انتي الحياة والدنيا ديا
بعدك أنا تعبان
ما تعذبنيش بالبعد عني
وفرحيني بالقرب مني
علي حبها يارب عني
حني ده أنا أنسان
كلمة واحدة انتي تقوليها
هلاقي روحي وألتقيها
وبكلمتك راح تسعديها
واعيش أنا ف روقان
قولتي ايه مش يلا بينا
قلبي كان زي سفينة
تايهه مش لا قيالها مينا
ولا شط ولا قبطان
طال عليا الأنتظار
وجوه قلبي قايدة نار
يلا بسرعة خدي قرار
كفيانا بأه أحزان
حجاج فراج
