ترنيمة———-؟
لا كل من حمل القلم
يفهم معاني الكلام
ولا كل من حمل السيوف
يقدر يكون فارس
ولا كل من حوطه الحراس
يقدر يسوس الناس
ولا كل من حب الزعامة
ينفع يكون ريس
شوفو الكلام بكام
تقدروا توزنوا الناس
شوفوا الصحف والقال
ووزنوا الكلام كويس
وعود كأنها أحلام
والحقيقة بحر يابس
كل الكلام تقال
والوضع زي ماهو
زاد العفن والسوس
أكل قلوب الناس
واللي عرف شنقوه
واللي سرق خلوه
يسرق قلوب الناس
أصل الحكاية سياسة
واللي حلف ما يخون
قالوا عليه إنجن
—————————-
شاكر محمد المدهون
