صباح الخير
كلمات/ أيمن البكرى
بحبك يا بلدى
يا أرضى ووطنى
بحب ترابك ونيلك
وبعشق كل تفاصيلك
ومهما قالوا عنك
مش شايف أنا غير خيرك
بفطر ف السيده كشرى
وأتغدى فول من الحصرى
وأتمشى ب اليل فوق الكوبرى
وأصحى الصبح بدرى
صباح الخير يابلدى
صباح الخير على ولادك
إل صنعوا أمجادك
إتحدوا الصعب وعدوا
وإل كانوا شايفينه ضعيف
عمل المستحيل وحده
صباح الخير يا أرض النيل
يا أرض الغنوه والمووايل
صباح الفل عليكى
عبدالوهاب كلثوم وحليم
صلاح يعقوب وزويل
وناس كتير كتبوا التاريخ فيكى
مصر دى مش كلمه
مصر حضاره وقمه
وبيت وحضن كبير
الشهامه والجدعنه والمروءه
المصريين إل صنعوها
كل إل ذاروها
قالوا عنهم أهل الكرم والخير
بحبك يا بلدى
يا أرضى ووطنى
بحب ترابك ونيلك
وبعشق كل تفاصيلك
ومهما قالوا عنك
مش شايف أنا غير خيرك
