كدابه وخداعه
كلمات
أيمن البكري
كدابه وخداعه
وكل العبر فيكى
بمية وش وقلابه
وقولت بكره هتتغير
ووافقت ورضيت بيكى
شفت منك غدر وغش وكدب
خلتينى كرهت الحب
حلفت بعمري ل هدوس
على قلبى وعليكى
كدابه وخداعه
مثلتى عليا دور الملاك البرئ
إل مليان برأه ووداعه
كدابه وخداعه
وأنا مش فاهم أى شئ
مشيت معاكى طريق
لقيت نفسى فيه
مساويش أى حاجة
كدابه وخداعه
رميتى قلبى فى نار
سبتينى وأنا بنهار
بكرهك ليل ونهار
فى كل ثانيه ودقيقه وساعه
ياما قولتلك يا قلبى إبعد عنها
مخدناش غير الجرح منها
ضحينا علشانها كتير
وهى مقدرتش حبك
قدمنا كل خير
وهى إختارت متكونش جنبك
وأدى إل إنت حبيتها
بتستغل ضعفك قدامها
بتطلب منك المستحيل
وتقولك إن دى أحلامها
بتغلط فيك وبتهينك
ولو جيت تعاتبها
بتبدل المعنى فى كلامها
وإنت شايل همها
وكل همك تكون راضيه
وهى بتحكم وتتحكم
وعملالك ولا القاضيه
فى وقت الشده تلاقيك جنبها
ولما إنت تحتجلها
تقولك أسفه مش فاضيه
كدابه وخداعه
