هما فين الناس بتوع زمان
فين الناس اللي اتقالهم عيب وميصحش
فين الناس اللي اتقالهم أسمع كلام عمك وخالك
فين الناس اللي اتقالهم أقعد عدل وأنت بتاكل
فين الناس اللي اتقالهم قوم أوقف لما حد يسلم عليك
فين الناس اللي اتقالهم متعاليش صوتك وأنت بتتكلم مع حد أكبر منك
فين الناس اللي اتقالهم ساعد عمك وشيل عنه
فين الناس اللي اتقالهم روح زور قريبك وسأل عنهم
فين الناس اللي اتقالهم متجبش في سيرة حد علشان عيب وحرام
فين الناس اللي اتقالهم متبصش لعيشة غيرك ورضي باللي أنت فيه
فين الناس اللي اتقالهم متعاليش صوت التلفزيون علشان خاطر جارنا مريض
فين الناس اللي كانت بتفهم في الأصول وتعرف الحلال والحرام
فين الناس إللي كانت بتحب الخير لغيرها وبتفرح لفراحهم
فين الناس إللي لو شافت واحد كبير وقع تجري عليه وتساعده
فين الناس إللي كانت بتفهم في الواجب والجدعنة
فين الناس اللي كانت قلبها علي الغريب والقريب
– للأسف إحنا بقينا في زمن ما يعلم به إلا ربنا والناس بقيت تاكل في بعض ومحدش بقي يحس بحد
– الله يرحم زمان وناس زمان
بقلم رضا السيد أبوجلاب
