قصيدة
إنتى لو مراتى
أيمن البكري
إنتي لو مراتي
مستحيل أبص بره
داه أنا كنت أبوسك
في اليوم ألف مره
وأخدك فى حضني
وأقول لقلبك إوعدني
تفضل معايا ومستحيل
يوم تسبني
وشفايفى تبات فى
حضن شفايفك
وتوحشينى حتى وإنتى
قدام عنيا وشايفك
إنتي لو مراتي
كنت أشيلك فى عيني
كنتى لما تبكي أكره سنينىي
كنت أديلك حبى وحضني وحنينىي
ولو يوم تعبتي أول واحد جنبك هتلاقيني
إنتي لو مراتي
كنت أبوسك فى اليوم
ألف بوسه
كنت هخليكي كل يوم
تحسي إنك عروسه
وأعملك فى قلبي كوشه
كنت هلحنك وتبقي
عندي أجمل غنوه
مكنتش نفسى هتروح
لحاجه حلوه
وأنا معايا حتة بسبوسه
إنتي لو مراتي
كانت إتغيرت حياتي
ماكنتش هحسب يومى
وأعد فى ساعاتي
ولا أشكي همومي
وأندم علي ذكرياتي
ولا تنزل دموعي
وأصرخ محدش
بيسمع أهاتي
ما كنتش هتيجى الحظه
إل أتمني فيها موتى ووفاتي
