مقالات

بلاغ_لسيادة_النائب_العام

كتبت أميره ابو الفتوح

سياده النائب العام هو محامي الشعب ..اللي بيدافع عن أصغر واحد فيه عشان يجيبله حقه

انهارده كلنا شوفنا فيديو الست اللي تعدت علي ظابط الشرطه بالقول والفعل

شتمته ..وقطعت رتبته وهجمت عليه وصرخت بأعلي صوتها ..وقالت العباره الشهيره المقيته المميته

أنا عضو نيابه ..أنا مستشار في الأمم المتحده !!!

علي غرار ..إنت ماتعرفشي أنا مين ؟؟

الراجل اتبهدل أثناء تأديه عمله ..بس عشان بيشوف شغله

قالها : ممنوع التصوير في المحكمة ..ولازم تلبسي الكمامه

خرجت أسوء مافيها .. ونفشت ريشها زي الطاووس ..وكادت تنفجر من النفخه الكدابه ..والتعالي

إزاي واحده زي دي ..ممكن تؤتمن علي حقوق الناس ؟؟

إزاي واحده زي دي تتساب كده تعمل مابدالها في خلق الله ؟؟

الست دي مش مكانها النيابه تفصل في حقوق الناس

دي مكانها عنبر الخطرين بمستشفي الامراض العقليه 😏

إحنا دولة قانون …لزما وحتما ولابد …من الضرب علي ايد كل من تسول له نفسه باهانة موظف عشان بيؤدي عمله صح ..وبما يرضي الله

فما بالنا ان الموظف ده ..يبقي مقدم شرطه ..اللي شغلته حفظ النظام …والحفاظ علي هيبة الدوله !!!

الست دي ..مش لازم تفضل علي كرسيها ووظيفتها دقيقه واحده بعد اللي عملته

الست دي …لازم تكون عظه وعبره لكل من تسول له نفسه الاستهانه والاستخفاف بالدوله ورجالهاالمنوط بهم الحفاظ علي القانون ..وحماية الدوله

الظابط اللي تمتع بأعلي درجات ضبط النفس ..في مواجهة هذا الكائن المنفلت عياره ( بتاعة الامم المتحدة 😏 )

لازم يتحفظ له هيبته ..ويحفظ للرتبه قدرها

سيادة النائب العام / لقد عانت الدوله والشعب الأمرين

بعد انفلات ٢٠١١ والايام السوده اللي عيشناها وشوفناها لما غابت الشرطة ( بفعل فاعل )

رجال الشرطه استردو هيبتهم ومكانتهم لدي الشعب المصري بعد كل ماقدموه من تضحيات وفداء ..شهداء ومصابيين

إزاي حانطالب أي خارج عن القانون باحترام رجال الشرطه ؟؟

وإحنا شوفنا بعنينا كيف جرأت هذه المرأة علي التعدي علي أحد أفرادهم بتلك الصفاقه والجرأة والوقاحه ؟؟

الموظفين اللي في ايديهم الحل والعقد بالقانون ..في مصائر الناس وإنصافهم أو عقابهم ( بالقانون )

لابد أن يخضعو لفحص شخصي ونفسي للتأكد من أنهم أسوياء ..ولا يعانو من عقد النقص ..أو تضخم الأنا ..ونرجسية التصرف والتعالي

إن لم يحصل هذا الظابط المهدر حقه ..الذي أهدر علي رؤوس الاشهاد ..ويرد له اعتباره

يبقي نجيب الست وأممها المتحده تحرسنا ..وتدافع عننا ..وتستشهد في سبيل أرضنا وعرضنا

لقد هرمنااااا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق