خواطر وأشعار

هفرح فيكي

 

هفرح فيكي

كلمات / أيمن البكري

 

أتاريني طلعت رخيص قوي

شئ تافه ولا يساوي

مين قال إن إل بيجرح

هو إل بيداوي

مين فينا إل كان

علي الغدر يوم ناوي

مين فينا إل كان أناني

وعبا وشال للتاني

وكسرة قلبوا كان غاوي

 

حبك ليا كان كدبه

ومشاعري كانت لعبه

إتسليتي كتير بيها

حياتي معاكي كانت صعبه

أنا إل غلط ف الحسبه

وإتغشيت كتير فيها

أهي إتكشفت الخدعه

وبقيتي مجرد واحده

مش ندمان عليها

 

أنا كرهت

أيامك وأحلامك ولياليكي

بكره هترجعيلي تاني

وفاكره إن إنتي وحشاني

وهنسي كل أحزاني

أول ما أشوف

الدموع ف عنيكي

هترجعي مكسوره

مش فاضل منك

لا أصل ولا صوره

ومن كل قلبي هفرح فيكي

 

هفرح فيكي عشان بعتيني

وأنا محتاجلك سبتيني

لا فرق معاكي كسرة قلبي

ولا الدمع إل ف عيني

هانوا عليكي عشرتي وسنيني

وحبي وإخلاصي وحنيني

من غيري لما كنتي تشاوري

كنتي قدامك تلاقيني

أنا مابقتش خلاص عايزك

إبعدي عني وإنسيني

 

أتاريني طلعت رخيص قوي

شئ تافه ولا يساوي

مين قال إن إل بيجرح

هو إل بيداوي

مين فينا إل كان

علي الغدر يوم ناوي

مين فينا إل كان أناني

وعبا وشال للتاني

وكسرة قلبوا كان غاوي

مقالات ذات صلة

اترك تعليقاً

زر الذهاب إلى الأعلى