خواطر وأشعار
قلبي من مصابا تقطع
قلبي من مصابا تقطع
عم تبكي عيونا عم تدمع
عم تشكي والله وتتوجع
والليل الساكن حيران
كيف بدو عيونا يقشع
خايف ليعاود ندمان
من حزنا خايف يركع
هالفجر بيشرق تعبان
وقلبي من مصابا تقطع
هالحلوة قلبا مليان
وهمها كبير ويتوسع
من حرقة قلبي سكران
رحت لعندا أسمع
قصتها والمر صنوان
غدر وعمر عم يصفع
كيف بدي أعزف ألحان
وبقلبها هالفرح أزرع
بكلماتي هز الوجدان
وبعيونا أرسم مقطع
أوضع تاريخ وعنوان
والبسمة تعاود ترجع
عشفافا ترسم ألوان
والفرح يسود ويجمع
