خواطر وأشعار

هنتقابل

هنتقابل

 

كلمات …. أيمن البكري

 

هنتقابل هنتقابل

مهما تعدى ايام

وتتهدلى احلام

مهما الدنيا تكسرنى

هنتقابل

ولو كل العالم ضدى

وفضلت بس انا لوحدى

وكل الناس ال حواليا

اخسرهم وتخسرنى

 

هنتقابل هنتقابل

وهنتعاتب ونتحاسب

وهعرف عملتى فيا كده ليه

وهتدفعى تمن عمري ال ضيعتيه

وهااخد حقى ف الآخر

مش انا ال كنت ليكي زمان

حضن وضهر وامان

ف عز الضعف والاءحزان

ما اتخلتشى يوم عنك

وانا الدنيا بحالها سابتنى

كان ممكن اقول بناقص

منك انتى كمان

بس انتى عمرك عليا ما هنتى

 

هانت ليه عليكى العيله والمه

وكل لحظة حب وحضن وضمه

وانا ف اصعب ظروف

والدنيا ف عنيا سوده وضلمه

دوستى عليا ذيك ذى ناس كتير

فى حياتى بايعه وخاينه وظالمه

 

هنتقابل

وهتيجي عنيا ف عنيكي

وهشوف فيهم الحسره

والحزن والكسره

راجعه اسفه وندمانه

وحاسه اد ايه كنتى غلطانه

بتقوليلى ياريتك حافظتى علي وعدى

بتحكيلي على ال حصلك بعدى

هو داه جزاء ال باعت العشره

 

هنتقابل

وهتبقى دى اخر مره

وهتبقى مصممه ومصره

إنك ترجعيلى

مش هرجع لواحده باعتنى

وانا ف أشد ازمه سابتنى

حاولت كتير اقنعك

رفضتى تسمعينى

وحياة كل لحظة جرح

وكل يوم عشتيه من غيرى فى فرح

وحياة دمع عينى

أنا دلوقت خلاص مش راجع

شبعت احزان وخوف ومواجع

وخدت حقى لما شفت دموع عنيكى

أنا من غيرك اكيد مبصوت

وآهون عندي انى اموت

ولا انى ارجع ليكى

مقالات ذات صلة

اترك تعليقاً

زر الذهاب إلى الأعلى