خواطر وأشعار
بحبك مصر
بحبك مصر
بقلم / ايلي محمد
بحبك يا مصر وبعشق ترابك
والف المدانين وارجع لبابك
واحس بكيانى وكرامتى فرحابك
يقولوا فقير
يقولوا أسير
بشوفك أميرة
واحبك يا مصر
بحبك ملايةومنديل بقويا
مقالب من اختى واخويا
ودعوة من امى تنسنى همى
حكمة من ابويا
واحبك صبية على البحر جاية
فى ساعة عصارى ونسمة قبالها
تطير فى شالها
تبين جمالها وترجع تدارى
واحبك مراكب تعدى إللى راكب
لبر الامان
يدوب جوا نيلك ويعطش يجيلك
يقول لك كمان
واقابلك بفرحة فى زفة عروسة
ولمة فى بيتنا
مع ولاد حارتنا
تدق المزاهر تردد المزامر
تزغرد حارتنا نهلل نغنى
وحلم التمنى ينور ليلتنا
واحبك زيارة لبيت عم سيد
ده اصله كبير مش حيقدر يعيد
نعيد عليه نفرح عينه
ويدعلينا دعوة بمليون جنية
ياساكنة فملامحى ياست الحبايب
ولادك بنوكى بأرواحهم يفدوكى
وشهد عليهم ترابك ياسينا
