خواطر وأشعار

إوعاك يا قلبي

إوعاك يا قلبي

كلمات الشاعر محمد عبد العزيز رمضان

إوعاك يا قلبي

تفتكر

إن اللي بينا

كان كلام

كان حلم

قصة كتبتها

أو صدفه

دي قصةغرام

حبيتك أنت

ومش هخاف

ولا يوم

هيمنعني الملام

أصعب حكاية

بعدك أنت

ومش هيكفيني

الكلام

نظرة عنيك

جرحتلي قلبي

وضحكتك

كانت سهام

لمسة إيديك

خلتني تايه

دنيتي بعدك

ضلام

طب ليه

تسبني بحرقتي

بنده عليك

جوا الزحام

وكسرت حلمي

وفرحتي

طب ليه يكون

هو الختام

ورمتني ويا غربتي

وسقتني كاس

ذل

وحرام

بعت اللي بينا

في ثانية واحدة

وحلمنا

أصبح حطام

وعهدتني

صدقت عهدك

قربي منك

مش تمام

أوعاك يا قلبي

تصدق إنك

يوم هتقدر

على الخصام

عاشق وعشقك

نبض قلبه

وسكتك

حب وهيام

كان نفسي أبني

لنفسي سور

وابعد بعيد

فوق الغمام

واخدك معايا

تعيش في حلمي

وعمري ما اصحى

من المنام

مقالات ذات صلة

اترك تعليقاً

شاهد أيضاً
إغلاق
زر الذهاب إلى الأعلى