خواطر وأشعار
خلاص فيتانى —-كلمات الشاعر احمد جابر سويلم
— خلاص فيتانى —-كلمات الشاعر احمد جابر سويلم
صفرك طويل يامه
وبعادك كمان طول
ودموعى كل مابتنتهى
ترجع تعيد من الاول
فوتينى وقلتى انا ماشيه
اتاريكى لرب الكون عاشقة
انام واتوه فى نعاسى
وهمسك طيفه يصحينى
وابص بعينى الاقيكى
لرب الكون ساجده
وصوت دعاكى بنهنه
ولادى يارب تحفظهم
اقوم واصحى اناديكى
اشوف الدمع فى عنيكى
ياغاليه نفسى اناديكى
واتوه فى احلامى
يجى طيفك يصحينى
واشوف توبك الابيض
اقوم احضنك ملاقيكى
اصرخ واقول يامه
انا نفسى الاقيكى
اقعد احاكيكى
ومين غيرك يشيل همى
ومين غيرك يواسينى
سافرتى خلاص ومش راجعة
ابات غرقان فى احزان
واقول اه ماحد غيرك يقول مالى
صحيح انتى دعيالى
وانا اللى ياما زعلتك
سمحينى يااغلى الناس
يااجمل كلمة على لسانى
ياطلة بدر فى كيانى
ياهمسة وصل شيلانى
