حوار

من وين جاء لقب الاسطوره:

اجري حوار صحفي نور قطر

مع المبدع الشاعر

عبدالحي ابراهيم الضوء.

 

من وين جاء لقب الاسطوره:

 

معجب من المعجبيني كان بطلق علي دايما اللغب دا لحدي لصق ومن هنا انا شلتو معاي

اول كتاباتك متين:

 

قبال 11 سنه وشويه تقريبآ وانا خاشي على الصف الثامن

اول نص ليك نوعو شنو واسمو:

غرامي (هل لبغض بعد المحبة ايجاب)

حاولت تكتب بكم لون ولا لونيه محدده:

 

الحمدلله كتبت بكل لونيات الشعر بس اكتر المشهور بيه هو الرباعيات لانو سهل التلحين وما معقد للمتلقي.

النوعيه الملت ليها في الشعر:

 

اصدق الكتابات الوطن ثم الغلابه ثم الحبيبه ثم القضايا الاجتماعيه

 

عندك ديوان شعر:

 

الحمدلله لي خمس دواوين مسجله ومجازه

نظرتك البميز الشاعر شنو:

البميز الشاعر اولآ لازم يحترم دواخلو ويحاول يخلق لونيه ليه تميزو

نظرتك للفنان بصوره عموميه:

 

الفنان باخدو بمعنى كل زول امتاز بمرهبه اولآ

التواضع ..حسن السلوك مع معجبيه وحتى مع النغاد الما عندهم علاقه بالفن البقدمو..وللفنان بالمفهوم العندنا وهو البمتاز بصوت غناي ..فدا لازم يقدر يصنع معجبين من تلات اجيال في فنو (الجيل التحتو-حيلو-الفوق) وما يرضى يظهر باي مظهر لازم يظهر بمظهر قوي من حيث الماده البطرحها.

انت راضي عن نفسك في البتقدمو:

 

ممكن اقول جدآ بس في كل فتره برفع ثقف تطلعاتي.

حصل قبل كدا جاك معجب بشقف:

 

الحمدلله كتير وسعيد بيهم جدآ ومن هنا بقول لاي زول مستمتع بكتاباتي والله انت السند الوصلني وبحبكم اكتر من حبكم لي.

ممكن تتعامل مع اي فنان:

انا ما بركز على اسامي وبحب جدا اقيف مع اي شاب مجتهد ومميز واهم صفه التواضع والاحترام المتبادل.

مقالات ذات صلة

اترك تعليقاً

زر الذهاب إلى الأعلى