دين ودنيا

خاتم الأنبياء والمرسلين

قصيدة

خاتم الأنبياء والمرسلين

بقلم/أيمن البكري

اه لو يعرفوا مين هو الرسول
ياعم دول ناس ماليهم الغرور
وعادي لما يطلع الغلط
من عقول مريضه
يعرفوا إيه عن الفريضه
يعرفوا إيه عن الاءخلاق الحميده
دول ناس مالهمش دين
العباده عندهم مفيش يقين
يتقطع لسانك لو تهين
خاتم الاءنبياء والمرسلين

المساواه والعدل والرحمه
هي دي كانت الرساله
وإنك تخاف ربنا
وإن شرعنا منع إختلاط الاءنساب
وإنك تأخد ب الاسباب
وإن دينا فيه السلامه
وإنك تعمل حساب يوم القيامه
هي دي كانت الرساله
ويجئ واحد من الحساله
يغلط ف مين
ف خاتم الاءنبياء والمرسلين

هو إل راح يزور مريض
لما غاب عنوا يوم
محطش قدام بيتوا الزباله
داه مين ذيوا مين
الصادق الاءمين…الكريم
مستحيل تلاقي ذيوا إستحاله
قال عنوا رب العالمين
إنك لعلي خلق” عظيم
صلوا عليه
خاتم الاءنبياء والمرسلين

جاه ب الرحمه والهدي
وإنك تحمد ربنا
وإن الكنز ف القناعه والرضا
علمنا إن اللقمه بعرقنا
أحسن من الحوجه والمسأله
علمنا يعني إيه
العفو عند المقدره
علمنا يعني إيه عباده
يعني إيه صوم وصلاه
لما نسمع الاءدان نلبي الندا
ومن قلوبنا نقول أمين
أنا مهما أقول هو أنا أقدر أوصفوا
هو داه نبينا
خاتم الاءنبياء والمرسلين

مقالات ذات صلة

اترك تعليقاً

شاهد أيضاً
إغلاق
زر الذهاب إلى الأعلى