وجع…..
وجع…..
كلمات / أيمن البكرى
وانا ماشى ف الشارع
حاجات كتير راحت منى
حاسس إنى ضايع
نفسى ألاقى حد يطمنى
لقيت واحده بتنادى
بصوت عالى لاكن هادى
بقرأ الفنجان وبشوف الطالع
ولقيتنى رايح عليها وبناديها
شوفيلى ياخاله البخت
وإضربيلى الودع
قوليلى ليه حياتى
كلها حزن ووجع
وليه كل إل أمنتهم
وكنت بحبهم
داسوا على كل حاجه
وعملوا فيا البدع
كل أما أمن حد
أتباع وأتخان وأتخدع
وأرجع من كل قصه
مليان وجع
حبيبتى وأول بنت حبيتها
كانت قبل ما تتكلم
بتلاقينى حسيتها
كنت بحلف بطيبة قلبها وحنيتها
ولو عنها سألونى
كنت بقول دى قلبى وعيونى
داه أنا ما صدقت لقيتها
أول ما شافتنى وانا بنهار
وجاتلها فرصه إنها تختار
إختاااااااااااااارت
واحد تانى وباعتنى
وبعد عشره وحب سنين
بقينا دلوقتى ف طريقين
وبقيت أنا مجرد
ورقه واحده في حكايتها
كل أما أمن حد
أتباع وأتخان وأتخدع
وأرجع من كل قصه
مليان وجع
الاءخ مبقاش سندك
ولا الصاحب بيقف جنبك
ولا جار قلبوا على قلبك
ومستحيل فى زمانا تلاقى
حد لله فى لله بيحبك
دلوقتى كلوا قاسى وجارح
والكبر جوه النفوس طارح
تدينى هتلاقينى
لو تطلب كمان عينى
والمصالح بتتصالح
كل أما أمن حد
أتباع وأتخان وأتخدع
وأرجع من كل قصه
مليان وجع
