خواطر وأشعار
زمان الحب كان حاجه……
——-زمان الحب كان حاجه……
——–كلمات الشاعر احمد جابر سويلم
اصبح اليوم ولاحاجه
زمان الجار لو اتالم
تلقى الجيران عليه تجرى وتسلم
تشيل همومه وبحبها تتكلم
مليها الحب فى لقانا
وكام ضحكه تنسينا اوجاعنا
لتعرف خوف ولا حتى اطماعنا
وصوت الفجر يصحينا يجماعنا
سؤال الجار عالجار واجب
ومين فينا مايعرفشى الواجب
نشوف اليوم واهل اليوم
نضحك ودموعنا تتعاجب
لسان ينطق ويتكلم
خالى من الصدق متعلم
وصرخة ضمير جوانا تتالم
يموت الصدق يموت الحق
المهم البطون ماتتالم
وتهنا فى زمن ماعرفنا نتعلم
ورحلة خوف فى الزمن طاله
وصوت مخنوق ومتكمم
صراع عالقرش جوانا
هانكسب كام وكام نجمع
ونبنى بيوت نعليها
وقطر الموت بيضحك موت
ابص بعيد الاقى محطتى جايه
واسمى يتوه فى زحمة دنيتى المره
وذكرى ورا ذكرى يتوه الاسم والفكره
زمان الحب كان حاجه
اصبح اليوم ولاحاجه
