وجع القلوب…….
وجع القلوب…….
كلمات/ أيمن البكري
مع كل نهار بيعدى
شمس بتروح للغروب
مهما كان الصبر ليه أخر
ومحدش فينا أيوب
وأصعب حاجه ف الدنيا
الحوجه لناس تانيه
وأصعب وجع هو
وجع القلوب
ومين فينا
منامشى ف يوم مظلوم
مشافشى أحزان وهموم
دى دنيا غريبه مش دايمه
عشها وإرضى ب المقسوم
مسيرها قيامه قايمه
ومفيش حاجه فيها هتدوم
ومين فينا
مامشيش مع الهوجه
وغرق ف الموجه
فيه ناس سكتها معووجه
لا طايله شمال ولا طايله يمين
ما هى دنيا قلابه
وشوش غشاشه كدابه
يوم حلوه ويوم سوده
يوم تكون ف العالى
ويوم تبات مكسور وحزين
فين الناس إل بتحب الغير
فين ألاقى حد عندوا ضمير
ضاع تعبنا على الفاضى
ليه لما بنشوف شىء
كان زمان عادى
بنقول لسه الدنيا بخير
حد فيكم شاف
حد على التانى بيخاف
وواحد ممكن يأكلها حاف
عشان غيروا يبات شبعان
دى مش حاجات من الخيال
ولا غنوه ولا موال
دى صفات كانت موجوده
فينا زمان
عشقنا الكلمه التافه والاءسفاف
وشوارعنا مبقاش فيها أى أمان
فين ألاقى ناس بتود
ناس بتبنى مش بتهد
ناس بتحافظ على الوعد
مبيقفوش على الواحده لبعض
مش ناس كل همها
تجمع فلوس وتعد
