خواطر وأشعار
مدد ياسيدنا …
” مدد ياسيدنا …
الشاعر/خالد فضل
مدد ياسيدنا
وابن سيدنا المُصطفى
نورك على مصر إكتمل
وعُمره أبداً ما انطفى
هلال وطالع كل عام
وعمره أبداً ما اختفى
مدد ياآل البيت مدد
بركات وحلت ع البلد
ملهاش حدود
ولا فيه عدد
أنتم معانا ف القلوب
وف حبكم ديبانه دوب
جوه الوريد بره الوريد
مع كل نفخه للوليد
مع صرخة الأم
إللى باكيه ع الشهيد
وحزنها عاش للأبد
مع دقة القلب
اللى بين كل الحبايب
إللى فارق وإللى غايب
وفرحة المواعيد
والهجر ويا الضنا
وقسوة التنهيد
مع كل إيد شغاله
تغزل ف الجِريد
مع كُل نُقطة عرق
تبنى وتعلى بالبلد .. وتزيد
مدد ياسيدنا
وابن سيدنا المصطفى
مدد ياآل البيت
