خواطر وأشعار

من الأول …

” من الأول …

 

الشاعر/خالد فضل

 

خُمور وحشيش

تُمور وحليب

سجاير فرط على كُفته

وجبنه قريش

كلام فارغ كلام تهوييش

ماسيبتو الحبل ع الغارب

وجاى دلوقتى تعمل فيش

ما م الأول وعمنول

يكون تدقيق

يقوم تفتيش

بتبقى السرقه عينى عينك

وبعد يومين من السرقه

تقول ياشاويش

ماكان المنع م الأول

وساكت ليه من الأول

ما كُلو كلام و مدهول

وعالى أوى .. ومش بشويش

وتفتحها على البحرى

يقول عامى يقول نحوى

كلام ممنوع كلام محوى

كلام جوه البيوت يخزى

ولا تقول عيب

وسايب سييب

مفيش رادع

مفيش تأديب

وجاى تمسكلو على كلمه

خمور وحشيس

تمور وحليب

ماسيبو يكمل الخِطه

وبجميله

فتحنا الباب على الآخر

مفيش مانع .. كمان الشيش

 

الشاعر خالد فضل

مقالات ذات صلة

اترك تعليقاً

زر الذهاب إلى الأعلى