والله خسارة…….
والله خسارة…….
بقلم / عماااد الأبنودي
•••••••••••••••••••••••
إستبعدني من حساااباتك
و خرجني بره الكردون
و لو مرة جيت أختياراتك
ارميني ان شاء الله ف أتون
أصلك حد ما يستاهلش
إني أعاتبك لو بالغصب
مادام بوجودي ما حستش
إيه يخليني أختار الصعب
شوفلك شوفة على مقاسك
تلعب بيها يلا براحتك
و اللي خدت مني بهداوة
بكره هأقلق فيه راحتك
طبعك أغرب من الغرابة
تقولشي معرفش أبداً غرام
هو البعيد رضاع غباوة
مش قاطع فيه أي كلام
والله خسارة فيك معلش
وش لوش بقت بجاحه
و اللي يخاف يهمد و يكش
دا اللي عندي بكل صراحة
مابقتش أهنن تاني ودلع
و قلبك صدا جفا و حنان
هأسيب النار فيك تولع
ماسألش عنك لو زعلان
خط رجوعنا بدون أمل
و الأمل مات و راحت عليه
خد في وشه لما مل
و نده للفرقه و حنت ليه
مفيش محاولة تاني للقصة
أو للمشااااعر من تكرار
كانت ضربة ونهت القصة
و خلت الحب فجأة طااااار
كل واحد راح لحاله
يطوي دموعه ويا آهاااته
ماعادش حبي جوه باله
و لا ساكن أصلاً ف حياااته
بقلم
عماااد الأبنودي
4 – 12 -2021
