خواطر وأشعار

يا أمي كلمات الشاعر محمد عبد العزيز رمضان

يا أمي

كلمات الشاعر محمد عبد العزيز رمضان

يا أمي

انتي كل حاجه

في دنيتي

سبب هنايا

وعمري كله

وضحكتي

ودي حكايتي

ومش نهاية

قصتي

لو هحكي عنها

مش هتكفي

كلمتي

ياما سهرتي

عشان تربي

وتسعدي

ومسحت عني

بإيدك انتي

دمعتي

وشلت همي

وانتي راضيه

بتحمدي

ومعاكي عمري

ما أحس لحظة

بوحدتي

بعدك يا أمي

هو همي

وغربتي

والقرب منك

يشفي ألمي

وشكوتي

لو تهتي عني

مش هلاقي

سكتي

شمس لحياتي

ونور فؤادي

ونجمتي

ورضاكي عني

هو فوزي

بجنتي

أنا كل يوم

بقول يارب

ودعوتي

فوق كل صعب

تعدي صعبك

تثبتي

أنا لو بكيت

بلقاكي ليا

تهدهدي

أو يوم شكيت

بتطمنيني

وتوعدي

أنا جوا قلبك

رغم طمعي

وقسوتي

لو ضاع طريقي

انتي ليه

بتحددي

أنا مش هلاقي

زيك انتي

في رحلتي

ضميني يا اما

نفسي أنسي

شدتي

يا أحلى حاجه

وكل حاجه

بتبتدي

واللي هيرضى

عنه ربه

أمه عنه ترتضي

يا نسمه صافيه

ايديها دافيه

هيا روحي ومهجتي

أول ماجيت

للدنيا كنتي

انتي سندي ومنيتي

نورتي ليا

طريق مشيته

وكنت نوري وشمعتي

مقالات ذات صلة

اترك تعليقاً

زر الذهاب إلى الأعلى