خواطر وأشعار
انا مصر — كلمات الشاعر احمد جابر سويلم
——انا مصر — كلمات الشاعر احمد جابر سويلم
انا اللى شلت على كتافى احمالى
وانا اللى قتلت الخوف جوا جدرانى
وانا اللى زرعت الحب جوا اغصانى
وانا اللى مسحت دمعتى من على اجفانى
وانا اللى فى الغربه طويت كل احزانى
مش كل نبت اتزرع هزه الريح بقى مايل
ولاكل جبان هجرى عليه واتحايل
انا اللى قهرت الصبر ماهزنى مره
وانا اللى قتلت الجبان ماهمنى غله
وانا اللى كتبت اسمى على الصخر من دمى
وانا اللى ابنى على رمالى سال دمه
وانا اللى من نيلى ارتوى زرعى
وانا اللى الشمس فرشت توبها على ارضى
وانا اللى فردت زراعى للى طلب ودى
على مر الزمن عرف العدا غضبى
بحب الخير لاهل الخير لو جونى
ولو فكر فى يوم الغدر يخطونى
فى بطنى هبلعهم لو يوم جم يحاربونى
انا مصر على مر الزمن كل العدا عرفونى
