إستغاثه الأسر إلي أب الأسر المصريه.
إستغاثه الأسر إلي أب الأسر المصريه.
فهيم سيداروس
بسبب صعوبة الأسئلة العقيمة أصبح الكل يبتكر أساليب للغش افضل وأسهل من إنه يبتكر الإجابة على السؤال أو حتى يعرف هو فين في الكتاب
بجد انا مع التطوير لكن ده تعجيز واحباط يعنى ايه طول الوقت بذاكر حاجه وبيتشرح حاجه وملزومه بمنهج لازم اخلصه وكمان اخد فى درس خاص وممكن اخد عند اتنين عشان افهم واتمكن منوا وفلوووس وبعدين يجى امتحان منعرفش عنه حاجه ليه بس ايه الفكره
لمصلحة مين تدمير مستقبل ولادنا
اتوجه برسالتي هذه لمن بيده الامر
اين الرقابة على المنظومة التعليمية في مصر ؟؟
طبيعة وهدف كل وزارة هو خدمة المواطن المصري
لكن وزارة التربية والتعليم بتدمر الطالب المصري
اللي حاصل في الامتحانات سواء اولى ثانوي او شهادة اعدادية (عقد ) ولادنا من التعليم
الطالب طول السنه بيذاكر منهج معين وبعيدين الوزير يتحدى طالب اولى ثانوي انه ممكن يستخدم الكتاب في الامتحان ومش هيعرف يطلع الاجابة دا نسميه ايه !!طيب لما هو كدا والامتحان مش بيجي من كتاب المدرسة طيب بندفع مصاريف ليه وناخد كتب اصلا الامتحان مش جايه منها ؟؟
ولما نلاقي سؤال من المنهج لازم يرهق الطالب في التفكير وياخد من وقت الامتحان وبالتالي الوقت مش مكفي اسئلة الامتحان كلها فالطالب مايحلش باقي الامتحان ويسقط !!
اما ثالثه اعدادي الجبر والهندسه نفس الاسلوب نصف الامتحان ينفع يتحل والنصف التاني كل سؤال عايز عشر دقايق تفكير والوقت ساعتان وبالتالي الوقت مش مكفي ان الطالب يحل اسئلة الامتحان كلها
** هو اللي حاطط الامتحان مفكرش انه لازم يراعي كمية الاسئلة وطبيعتها من حيث سهولة او صعوبة حلها مع وقت الامتحان
** الامتحان يراعي فيه الفروق الفردية يعنى الطالب المذاكر يقدر يحل الامتحان من غير ما نعقده ويحط ويكون سؤال فيه فكره بحيث اميز الطالب المتفوق عن غيره من الطلبه
ماهو اما تزود الوقت عشان الطالب الاينشتين يعرف يحل او تخلي الاسئلة طبيعية
الخساير اللي وصلنا لها ان ولادنا الوقتي اصبح كل هدفهم انهم بنجحوا بالغش بدل ما يسقطوا لأنهم مش عارفين يحلوا الامتحانات من صعوبتها يعني بدل ما (وزارة التربية والتعلي).
يكون هدفها تربية وتعليم ابنائها للاسف جعلت ولادنا يتعلموا الغش والانحراف الاخلاقي جعلت مستقبلهم زي نفسيتهم
ولاد في سن الزهور
نرجو من الجهات المعنية في الدولة اتخاذ اجراءات تجاه ما يحدث . وشكرا
