بحر الموت
كلمات الشاعر الكبير / عيد الحضري
ولى زمان الصبا
عدي وسابني وراح
ساب ذكريات مؤلمه
تغرق في بحر جراح
وخطوط عريضه بتترسم
من تحت شعر ابيض
ووسط. مال وانحني
مابين انين وجراح
بانت خطوط الكبر
ع الوش وتعلم
سلم لحكم القدر
ماقدرش يتكلم
ومين يقول اننا
كنا في مره شباب
ياريت نفوق يابشر
من قبل مانسلم
ضحك علينا الزمن
عشمنا بالجنه
نايمنا لما اقدر
خرم لنا ودنا
ولما سابنا ومشي
وصحينا من نومنا
لا لقينا فيها الحلق
ولا هو استني
عملنا ايه يازمن
تعمل كده فينا
من بين كاسات الفرح
المر تسقينا
وأحنا اللي بيك راضين
وقولنا راح نصبر
نلاقيك في لحظه غدر
بتبكي في عنينا
الورد ليه اختفي
والغصن ليه مايل
والشمع ليه انطفي
والدمع ليه سايل
رضينا باللي انكتب
فوق الجبين بالموت
لا طولنا يوم نندفن
ولا حد كان شايل
مكتوب علينا الموت
في طريق مانعرفهوش
مكتوب علينا الموت
في بحر كله وشوش
واسمع كلام ينقال
ياه ياحول الله
ده مين وليه وازاي
جانا ومانشفهوش
غريب في بحر الموت
جانا علي سهوه
جايب معاه انذار
الدنيا مش باقيه
ومهما تبقي حريص
الدنيا غداره
لا. تيجي بعلو الصوت
ولا تيجي. بالعافيه
ياللي نداك الموت
موت ومايهمكش
علي اي صوره أن كانت
ايه يعني ماتزعلش
ياما ناس هنا عايشن
كأنهم اموات
وياما. ناس. هناك ماتو
وكأنه لسه مامتش
بحر الموت
