مقال

قلة الأصل

جريدة الاضواء

قلة الأصل

 

بقلم/السيد شحاتة

 

قلة الأصل مش طبع سيء الإنسان بيتولد بيه

قلة الأصل تربية بتبان في تعامل الشخص مع اللي حواليه ممكن إنك تكون عصبي بخيل متهور شكاك

دي طباع إتخلقت بيها وعايزة منك مجهود عشان تغيرها مفيش مشكلة أقدر أعذرك واعاتبك واسامحك وادعيلك كمان

 

لكن قلة الأصل مقدرش اسامحك عليها

قلة الأصل بتبان لما احسن إليك فترد بالإساءة

لما ائتمنك فتخوني

لما اصدقك فتكذب عليا

لما افضفضلك فتفضحني

لما أصحبك فتتكلم في ضهري

لما أحبك وترد الحب ده باذيه

لما توعد وتطلع كل وعودك مزيفه وكداب

لما تبقا قدامي بوِش وورايا بميت وِش

صدقني ده مش طبع فيك دي قلة أصل وناس معرفتش تربيك

 

ناس كتير في حياتنا فيه ناس بتقضي وقتها و بس و بتعيش عشان مصلحتها و بس

 

ممكن متكونش بتكرهك لكن مؤكد مش بتحبك

معندهاش مشاعر انسانية فياضة تجاه أي إنسان .مش لسبب غير انهم كدا وطبيعتهم كدا مبيعرفوش يحبو اوى زينا

مش قاصدينك شخصيا

 

لكن مفيش تعلق بزيادة او الحب الفظيع أو التأثر أو الخوف علي مشاعرك او الأفلام اللى احنا مموتين نفسنا بيها دى ناس مزيفه

 

فمش كل ولاد الناس ولاد اصول كلنا ولاد ناس بس مش كلنا ولاد اصول

مقالات ذات صلة

اترك تعليقاً

زر الذهاب إلى الأعلى