خواطر وأشعار

جارى البحث

جريدة الاضواء

جارى البحث

كلمات …………… أيمن البكري

جارى البحث
عن الإحلام إل حلمتها زمان
جارى البحث
عن الإيام إل كان فيها أمان
جارى البحث
عن ناس بتحب تعمل خير
عن ناس عندها ضمير
عن ناس بتضحى وتدى كتير
ومستعده تدى كمان

جارى البحث
عن الشهامه والنخوه
عن الجيران إل كانوا إخوه
مش ناس معدومة الإحساس
بيقفوا لبعض على التافه

جارى البحث
عن ناس عايشه بتضحى
علشان ناس تانيه تعيش
مش ناس فى الجرح بتصحى
عايزه تاخد ومتديش
فيه ناس كتير قوى قادره
وناس فى طبعها فاجره
والإخلاص فى زمانا
بقا عمله قليله ونادره
أنا الغلطان يادنيا
ولا أنا مفهتكيش

جارى البحث
عن ناس عندها أخلاق
مش ناس بتقطع الأرزاق
مال وبنون وسلطه وجاه
بقا داه كل تفكيرنا
مبقاش ف قلوبنا
رحمه ولا وفاء
وعلشان تعلى وتكبر
لازم تدوس على خلق الله

جارى البحث
عن بنت تكون بنت إصول
راضيه تعيش معاك ف النور
لا عايزه فلوس ب الكوم
ولا طالبه قصر فيه كام دور
مش عايزه غير حبك
ومكان ليها ف قلبك
وتكمل حياتها معاك مهما يكون
ولو هانت الدنيا عليها
إنت مش هتهون

مقالات ذات صلة

اترك تعليقاً

شاهد أيضاً
إغلاق
زر الذهاب إلى الأعلى