خواطر وأشعار

دنيا ومين فينا يعاديها

جريدة الاضواء

دنيا ومين فينا يعاديها

 ليلى محمد

دايره وكلها عارفه بعضيها

فيها الخير والشر وكل مايخطر علي بالك فيها

فيها الأصيل غير مطلوب

والخسيس شغال وصبح مرغوب

فيها المنافق ياناس محبوب

وفيها اللي كل همه المال وازاي يملا الجيوب

فيها العايب والمعيوب

وفيها العاصي اللي مش ناوي يتوب

وفيها اللي بيكابر وبيجمع ذنوب

وفيها اللي مش عامل للدنيا حساب

وفيها اللي نفض وكبر وساب

وفيها اللي حاسب حسابه وبياخد بالأسباب

وفيها الناقص اللي بيكمل با ازية الناس

وفيها تلاقي ابو قلب ابيض ياناس حساس 

وفيها تلاقي الفضه وجمبيها ألماس

وفيها اللي مات من خضه وكان أسد في عيون الناس

وفيها وفيها برضو كتير فيها الحر وفيها الاسير

فيها الأصلي وجمبه التذوير 

فيها الطيب ومحب الخير

فيها الخبيث ومؤذي الغير

ماهي دايره ومليان جراح

فيها الحرام صبح مباح

والحلال ضاع وطاح

واللي راسم انه بيه 

ساعة الجد ماتلقيه

كل همه الجنيه

ولسه تاني في كتير

في الصغير هان الكبير

والزمان يقلب يميل

وابن الأصول نام ع الحصير

والخسيس يلبس حرير

مقالات ذات صلة

اترك تعليقاً

شاهد أيضاً
إغلاق
زر الذهاب إلى الأعلى