قصيدة
التريند
أيمن البكري
التريند بقا موضة العصر
وكل واحد بيصحى من النوم
أول حاجه بيسأل عليها
السوشيال ميديا إيه إل فيها
وعلى الحال داه كل يوم
بقا شئ أساسى بنسأل عليه
التريند النهارده بيتكلم عن إيه
التريند النهارده
عن بنت كانت ذى الورده
إستغلها شاب عاطل
سرق صورها وهددها
إنه هينشرها
لما تعبت وذهقت وجابت أخرها
سابت رساله عبرت فيها عن تعبها
موتت نفسها
وفى لحظة ضعف الشيطان غلبها
التريند النهارده
عن فيلم أفكاره مش إل هي
بعيده عن مجتمعنا شويه
وناس كتيره مش عاجبها
ممثله بتقلع قدام الكاميرا
ملابسها الداخليه
ناس كتيره معترضه
إذاى ولادنا يشوفو كل داه
عايزين تعلموهم إن مفيش حياء
وناس شافتو شئ عادى
فن هادف وإسلوب حياه
التريند النهارده
عن بنت بتنزل فيديوهات
على التيك توك
فيديوهات مخله لل أداب
ولما جاه وقت الحساب
وبقت قضيه ومحاكمه
فجأه لقت نفسها
تريند على الفيس بوك
فجأه بقت متهمه ومستنيه حكم
وفجأه تلاقى التريند إتحول
وعلشان توصل للحقيقه فتش ودور
التريند تلاقيه على ماتش كوره
أو بنت منزله كام فيديو وصوره
أو عن خناقه مطربين وممثلين
أو عن واحد بيحرف ف الدين
أو عن مهرجان جديد
أو عن الإسعار إل كل يوم تزيد
وبقينا نشوف ناس بتعشق العند
وناس ممكن تعمل أى حاجه
علشان تركب التريند
مرتبط
