أوعى تقولى المجرم تاب
من ايه تاب
بعد ما قتل الطفله أميره
وقتل الضحكه الصافيه الحلوه ف عيون لسه أملها شباب
بعد ما حرق الزرع فيه جيره
عمر المجرم ما هيتلم غير إن شاف اسؤها عقاب
واوعى تقولى المجرم تاب
بينا وبين المجرم دم حق شهيد لازم يتلم
بينا وبين المجرم طار كتبه شهيد على خط النار
وبكل عزمه كان بينادى
يا ولاد بلدى أنا ليا رجاء
عايزين نقضى على الإرهاب
ولازم يوم المجرم يعرف
إن شبابنا دا احلى شباب
