ما فى إستجابه
بقلمى محمد عنانى
لسنين وبأعزف على ربابه
وكتير وياما ما فى إستجابه
من ناس مابينا وبينهم قرابه
بيبان ظاهرهم غاية الطيابه
لكن نفوسهم سوده وخرابه
ومعانا صبحوا كيف الديابه
ينهشوا فينا تقول دي غابه
لو إشتكينا ما نشوف إجابه
دا العقل والله إحتار معاهم
وسنين طويله صابنا أذاهم
وجراح قلوبنا بمرار قساهم
كتير حاولنا نكسب رضاهم
لا صبرنافع ولا كان عَنَاهم
وكُره باين يجرى ف دِماهم
شيطان سايقهم ماشى وراهم
معاه فى طريقه كيده غواهم
شروره يمكن ناسبت هواهم
وحاولنا نعرف منين دواهم
ولا شىء نافعنا وزاد جفاهم
وأملنا يفضل في الله شِفاهم
نرجوه هُدَانا وكمان هُدَاهم
في قلوبنا يبقا صفا ورَحَاَبَه
حلم وأملنا وما فيش غرابه
أما اللي عَدَا لِصيف سحابه
