أمي الحبيبة
عاطف كبارة
………..
أمي الحبيبة…
باكتبلك جواب الحب
من قلبي…
ولو أقدر…
أخلي الحبر في قلمي
يكون دمي…
شوية عليكي
والله…
سنين عمري
اللي فاضلالي
تكون ليكي
وأنا راضي…
وضحكة ف وشك الباهي…
تنور قلبي وتلالي
وترسملي الهموم
ماضي…
بابوس ايدك
كأن الجنة عايزاني …
ف أحضانك
باشوف الدنيا
حضناني…
يا أجمل
من أجمل مكان…
وجودك
رحمة م الرحمان…
يانبع الحب والطيبة
وجوا القلب وقريبة
(أمي الحبيبة)
عاطف كبارة
