قلبي البريء
قصيدة غنائية
بقلم ماجدة البهيدي
============
وأيه تاني عندك يا زمان
جرح فيا كمان وكمان
هات بزيادة زي العادة
مانا متعودة ع الأحزان
هات الحمول عبي وشايل
دأنا همي والله مهو قليل
كل أما أجي عشان افرح
من الهم بتشيل وتكيل
انا ماشية فيك يا زمن سواح
قلبي البرئ بقى كله جراح
قسيت كتير منك يا زماني
انا نفسي يوم أعيش وأرتاح
هات الحمول عبي وشايل
دانا همي والله مهو قليل
كل اما اجي عشان افرح
من الهم بتشيل وتكيل
انا كل يوم من جرحي بموت
والأه بتطلع من غير صوت
شايفني بضحك قاله عايشة
والعمر أهو عمال بيفوت
هات الحمول عبي وشايل
دانا همي والله مهو قليل
كل اما اجي عشان افرح
من الهم بتشيل وتكيل
على عيني بكيت عيني
وعلى روحي بكيت روحي
يا فرحة امتى هتجيني
و تداوي بقى جروحي
هات الحمول عبي وشايل
دانا همي والله مهو قليل
كل اما اجي عشان افرح
من الهم بتشيل وتكيل
2022/11/10
:
#ماجدة_البهيدي
:
