يتسائلون من انا——كلمات الشاعر احمد جابر سويلم
—يتسائلون من انا——كلمات الشاعر احمد جابر سويلم
انا ابن مصر وابويا النيل
وانا العامل وانا الفلاح
وانا الدمعه وانا الافراح
وانا المعلم وانا الجراح
وانا اللى ماعرف طعم نواح
وانا الليل اللى مافيه اشباح
وانا الجندى اللى فى ايده سلاح
وانا المظلوم اللى حقه مضاع
وانا صوت الاذان اللى عمره مراح
وانا اللى بصلاتى قلبى ارتاح
وانا الهمه والكلمه وقت الجد تلقاها
وانا المهندس اللى رسم مبناها
وانا التاريخ اللى علم امم جواها
وانا القلم اللى كتب حروفها فى سماها
وانا العلم اللى نور الدنيا بارجاها
لساك بتسئل انا مين لساك ماتعرفنى
انا المصرى وان كنت ماتعرفنى
قل للتاريخ انا مين انا اللى بانى الهرم
وانا اللى اتعلمت منى الامم
وانا اللى زرعت المبادىء والقيم
وانا اللى بكتم غيظى وقت الغضب
وانا اللى على الظلم صبر
وانا اللى فى اكتوبر عبر
وانا اللى بالميه خط برليف انفجر
وانا اللى متاه عنى يوم خبر
انا ابن مصر وابويا النيل
وانا الهمة وقت الجد تلقاها
لساك بتسئل انا مين
لساك ماعرفت عنوانى
اسئل عن سمار لونى
انا المصرى اللى قهر الرومان
عرفت انا مين وليه الكل يعرفنى
