خواطر وأشعار
قلبي السعادة والحب اعطيه
قلبي السعادة والحب اعطيه
بقلم علي بدر سليمان
هالعقد يلي عصدرك وضعتيه
زادك أناقة وزدتي حسن فيه
اعطيني الأمل كل يوم تاأفرح
ومن حنان قلبي قلبك اسقيه
هالنص يلي انسرد عالمسرح
كلام كبير ياعمري احفظيه
اسمحيلي اليوم بهالعيون أسرح
أكتب جمالك بحور الشعر سليه
والشال عخصرك سكران يشرح
البحر كلما تهزي خصرك بترويه
وقلبك الطيب الهادي بتفرح
عيون الناظرين كل ماتحاكيه
وهالقلب يلي بيحبك بيمرح
كل ما عجوانح الليل تمرجحيه
وقلبي من حبك تكلم وصرح
حبك ياقمر مش قادر اخفيه
بتمنى أربح بقلبك المطرح
وقلبي السعادة والحب تعطيه
