أبوسك فين
كلمات………..أيمن البكرى
اليلادى أحلى ليله
إتجوزنا وفرحنا
وكان حلو قوى فرحنا
ولمة الناس والعيله
وبقيتى معايا وليا
أوعدك هشيلك ف عنيا
وها أحمد ربنا عليكى
وها أحافظ على الهديه
أبوسك فين
الخدود أحلى من الورود
والرموش دباحين
والشفايف عسل ب الياسمين
أبوسك فين وكل حاجه فيكى حلوه
وإنتى أحلى من الحلوين
أبوسك فين
يابنت انتى يا أحلى عروسه
ياحتة شوكولاته على بسبوسه
وأنا قاعد جنبك ف الكوشه
كنت أسعد واحد ف البنى أدمين
ياعينى على إل حبها
ف قلبى طرح
ياعينى على خلت حياتى
سعاده وفرح
أنا وانا معاكى احزن أو اتجرح
لا مستحيل
ياعينى على ال شغلتلى بالى
سنين طويله
ياعينى على إل قعدت وإتربعت
ف قلبى ذى الإميره
أنا أبص لواحده غيرها
لا دى مالهاش بديل
ألف مبروك يا قلبى علينا
ويارب ١٠٠ سنه
جايه مع بعضينا
وربنا يحفظنا من عيون
كل الناس إل حوالينا
اليلادى أحلى ليله
إتجوزنا وفرحنا
وكان حلو قوى فرحنا
ولمة الناس والعيله
